Надія ХV – новий альбум ансамблю
Іщы недавно святкували сме пятнадцетлітя ансамблю НАДІЯ, а гнеска можеме ся тішыти новым, четвертым альбумом групы. Як вытримати в єднім складі тільо років? Што є рецептом на тото, жебы ціла Ватра сьпівала Вашы сьпіванкы? Ци легко творити новы мизичны творы і ци мож веце осягнути в просторі лемківской культуры? Такы зьвіданя рішыл поставити наш редакцийний камарат, Данько Горощак, членам ансамблю Надія – Андрийови Кайфашови і Фабiянови Кравчыкови. Хлопчыска стрітили ся з нагоды выданя нового альбуму ансамблю. Очевидно, крім бесіды почуєте выбраны кавальці з нового цедечка, котры будут мати свою премієру в Радіо Лемко. А кєд музикы буде Вам за мало, то цілий кружок мож придбати або выграти в нашім конкурсі.
- Пуст
- Шмар на листу
- Заприй
0:00