Юстина Максимчак - Барвы памяти
В авдициі Радіо Лемко просиме Вас на стрічу з творчістю Юстины Максимчак – маляркы, історичкы штукы і консерваторкы діл штукы, звязаной з Пшемковом на Нижнім Шлескy. Артистка скінчыла консервацию і реставрацию діл штукы в Нисі, вчыла ся тіж в Академіі Красных Штук во Вроцлаві і на Вроцлавскым Університеті. Брала участ в індивідуальных і спільных выставах, медже інчыма в выставі "Формы присутности. Штука Лемків/Карпатскых Русинів", котру мож было обзерати в Державным Музею в Варшаві. Бесідєме о малярстві Юстины, єй інспірациях, вражливости на деталь і емоциях схованых в образах. Не бракує тіж рефлексий о штуці як о способі оповіданя о памяти і штоденности. То стріча з творчістю повном сымволів, барв і особистой наррациі. Обовязково зазрийте на сторону артисткы, де презентує своі праці.
- Пуст
- Шмар на листу
- Заприй