Повіданка Оксаны і Данька
Наш редакторскій дует бере на стільчык палюнку, вино, пивно, самогонку... але нияк не думат іх пити, ани тым барже Вас до того нагваряти. "Ліпше ты ся напий вина – то є добра медицина" – гварит лемківска народна сьпіванка, най Вас тото єднак не зведе! Повіданка Оксаны і Данька то проґрам о важных річах з легкым приджмуріньом ока, не буде заохочати до питя алькогольовых напитків, а барже до задуманя над іх бытністю в нашім жытю. Чи ся нам сесе любит, чи ніт, мотив питя найдеме в розмаітых обрышах культуры, од торжественных стріч, по традицийны сьпіванкы, котрым призриме ся ближе. Што повідали і якы пересьвідчыня подавали іх тексты? Чи мож было выйти терезвым з лемківського весіля? Чи гнеска змінят ся наш підхід до питя? На тоты і дуже іншых зьвідань прібуют одповісти нашы редакторы Оксана Грабан-Ліхтаньска і Данько Горощак. Просиме послухати!
- Пуст
- Шмар на листу
- Заприй