Сьпіванкы од Pana Василя / Piosenki od Pana Wasyla
Лемківскы сьпіванкы грают в серци неєдного Лемка – на Лемковині і чуджыні, на гостинах, в велькы свята, тай в чысто звычайний ден, коли душа ся радує або плаче – в них бо записана єст близка нам доля і недоля. Декотры з них вшыткы добрі знаме і громадні сьпіваме, але сут тіж такы, котры тихнут, несьпіваны зьбіліют в памяти, одходят зо старшым поколіньом. Праві зато Василь Баволяк хтіли сохранити сесы сьпіванкы, што ся сьпівали в його селі – Святкові. Радіо Лемко на тогорічній Лемківскій Ватрі в Ждыни записало для Вас реляцию, штобы тоты, што не могли приіхати і зайти до Хыжкы на ватрянім поли, мали змогу одтворити фалаток фестівалю. Просиме на бесіду Маріяны Кріль з автором книжкы “Лемківскы співанкы зо Святковы Великой. Співник” Васильом Баволяком, редактором і перекладачом Фомом Квоком, тай выдавцями Уршульом і Вєславом Жызновскыма.Премієра проґраму в середу 18.09.2024 о год. 20:00, повторіня в суботу і неділю о год. 14:00.
- - - - - - - - - - - - - - -
Łemkowskie pieśni grają w sercu niejednego Łemka – na Łemkowynie i obczyźnie, podczas uroczystości, świąt czy w zupełnie zwyczajne dni, kiedy dusza się raduje lub płacze – w nich bowiem zapisana jest bliska nam dola i niedola. Niektóre z nich wszyscy dobrze znamy i gromadnie śpiewamy, ale są też takie, które cichną, nieśpiewane blakną w pamięci, odchodzą ze starszym pokoleniem. Właśnie dlatego Wasyl Bawolak chciał ocalić pieśni ze swojej wsi – Świątkowej Wielkiej. Radio Lemko na tegorocznej Łemkowskiej Watrze w Zdyni zarejestrowało dla Was relacje, by ci, którzy nie mogli przyjechać i zasiąść w Chyży na watrowisku, mieli możliwość odtworzenia fragmentu festiwalu. Zapraszamy na rozmowę Mariany Kril z autorem książki “Łemkowskie piosenki ze Świątkowej Wielkiej. Śpiewnik” Wasylem Bawolakiem, redaktorem i tłumaczem Tomaszem Kwoką, a także wydawcami Urszulą i Wiesławem Żyznowskimi.
Premiera programu w środę 18.09.2024 o godz. 20:00, powtórki w sobotę i niedzielę o godz. 14:00.
“Лемківскы сьпіванкы зо Святковы Великой” і іншы книжкы Василя Баволяка, посвячены лемківскій тематиці, найдете в выдавництві Жызновскі. Ґрафічны материялы походят зо страы выдавця https://zyznowski.pl/
“Łemkowskie piosenki ze Świątkowej Wielkiej” oraz inne książki Wasyla Bawolaka, poświęcone łemkowskiej tematyce, znajdziecie w wydawnictwie Żyznowski. Materiały graficzne pochodzą ze strony wydawcy: https://zyznowski.pl/