Студенты гварят ДОСТ!
Пришол час розрахувати власт. 1.11.2024 про заваліня ся задашыня будинку дворця в Новім Саді згынуло 16 люди. Сеса трагедия была катализатором до протестів на улицях Сербіі. Головном силом сут студенты, підпераны през своіх выкладовців і розмаіты професийны групы. Закликуют до змін і вымагают од власти одповісти за хыбы. Протесты в цілій державі ведут ся до гнешнього дня, а скорумпувана власт сігат по нечестны способы, штобы розогнати люди і ослабити іх духа. В нашім проґрамі гостме дрa габ Тому Квоку – сербисту, працівника Інституту Славяньской Фільольоґіі на Ягайлоньскім Університеті в Кракові. Разом з Ярославом Стремецкым представляют за порядком выдаріня в Сербіі і дадют до них коментар. Призераме ся тіж на нашых братів з полудня, о котрых наш гіст написал книжку "Войводина і єй Русины: О языку, культурі і істориі войводиньскых Русинів". Дознате ся, якє мают они місце в тім соспільнім порушыню. В проґрамі почуєте сьпіванкы молодых, русиньскых артистів, котрых дебіютовы плыты выдал молодіжний маґазин МАК з Руского Керестура.
- Пуст
- Шмар на листу
- Заприй