БОМБЕЛЬ, Нагач
Меджепоколіньова Група Театральна "Племя", што черпе з бескидзкого джерела, сягля по творчіст лемківского писателя, Мирослава Нагача. Основателька групы, Моніка Бабуля, разом з режысером представліня, Маріюшом Лясковскым, оповіли о праці при "Бомблю" і концепциі вказаня головной персоны в двох окремых особах. Мирослав Боґонь, творец музичной оправы, і лемківска сьпівачка Юлия Дошна, яка грат в сесім представліню, вказуют перспективу творчой праці в театрі, што явила ім ся ближе по долучыню до групы "Племя". Фалаткы представліня то запис з показів в маю, годны іщы будете видіти го на жыво в липци в рамах фестівалю "У(й)стя Культуры".